Ingredientes:

• 4 ovos.
• 200g de manteiga de vaca.
• 400g de fariña.
• 400g de azucre.
• 200g de nata líquida.
• 1 sobre de levadura en pó.
• Azucre glass.
• Canela.

Preparación:

1. Derrete a manteiga ó baño María ou no microondas.

2. Cando a manteiga xa estea derretida, vótase nun bol e mestúrase co azucre, os ovos e a nata, vas revolvendo e engádeselle a fariña pouco a pouco, e por último, o sobre de levadura.

3. Revolve ata que quede unha masa homoxénea.

4. Bota a mestura nun molde previamente engraxado.

5. Mestura o azucre glass coa canela e espallaos pola masa antes de metela no forno.

6. Mete o molde no forno, previamente quentado a 180º de temperatura durante, aproximadamente, tres cuartos de hora.

7. Cando se acabe de facer, saca do forno e deixa enfriar.

E… A COMER!!!

CONSELLO: A bica está máis rica cando se come fría, porque leva moita manteiga e quente faise un pouco graxa.

Por Olalla